अमेरिकी राष्ट्रपति डोनाल्ड ट्रम्पले ६० जना रुसी कुटनीतिज्ञलाई देश निकाला गर्न आदेश दिनुभएको छ । बेलायतमा एक पूर्व रुसी जासूसलाई विष दिएर हत्या गरेको प्रकरणमा अमेरिकाले यो कदम चालेको हो । त्यस्तै, जर्मनी तथा फ्रान्सको विदेश मन्त्रालयले पनि ४ जना रुसी कूटनीतिज्ञलाई देश निकाला गर्ने घोषणा गरेको छ ।

यो प्रकरणमा अन्य यूरोपेली देशहरुले पनि रुसविरुद्ध कडा प्रतिक्रिया दिने जनाएका छन् । रोयटर्सका अनुसार अमेरिकाले सियाटलमा रहेका रुसी कन्सुलरको कार्यालय पनि बन्द गर्न आदेश दिएको छ । अमेरिकामा ४८ जना रुसी कुटनीतिज्ञ वाशिंगटनमा रहेको रुसी राजदुतावासमा रहेका छन् भने अन्य न्यूयोर्कमा रहेको संयुक्त राष्ट्रसंघका लागि कार्यरत छन् ।